काठमाडौं । नेष्डो समृद्ध लघुवित्त वित्तीय संस्था लिमिटेडको आईपीओ निष्काशन भएको छ । नेष्डो समृद्ध लघुवित्त वित्तीय संस्था लिमिटेडले ८ करोड २८ लाख ७५ हजार रुपैयाँ बराबरको ८ लाख २८ हजार ७५० कित्ता आज अर्थात फागुन ११ गतेदेखि आईपीओ निष्काशन तथा बिक्री खुला गरेको हो ।
सर्वसाधारणले ७ लाख ७४ हजार ५६३ कित्ता शेयरका लागि मात्र आवेदन दिन सक्नेछन् । किनकि ८ लाख २८ हजार ७५० कित्ता शेयरमध्ये ०.५ प्रतिशत अर्थात १२ हजार ७५० कित्ता कर्मचारीहरुका लागि र ५ प्रतिशत अर्थात ४१ हजार ४३७ कित्ता सामूहिक लगानी कोषहरुलाई सुरक्षित गरिएको छ ।
आइपीओका लबगी यहि फागुन १५ गते र त्यस दिनसम्म बिक्रि नभएमा फागुन २५ गतेसम्म आवेदन दिन सकिनेछ । लगानीकर्ताले कम्तिमा १० कित्ता देखि माथि १ हजार कित्तासम्मका लागि आवेदन दिन सक्नेछन् ।
आईपीओ सि–आस्वा सदस्य बैंक तथा वित्तीय संस्था र अनलाईनमा मेरो शेयरको वेबसाइट तथा एप मार्फत आवेदन दिन सकिन्छ । आईपीओ निष्काशन तथा बिक्री प्रवन्धक ग्लोबल आइएमई क्यापिटल लिमिटेड रहेको छ।
हाल कम्पनिको चुक्ता पूँजी १७ करोड २१ लाख २५ हजार रुपैयाँ छ, आईपीओ बाँडफाँट पछि कम्पनीको चुक्ता पूँजी २५ करोड ५० लाख पुग्नेछ ।
कम्पनीको आईपीओ निष्काशनका लागि क्रेडिट रेटिङ्गमा इक्रा रेटिङ्ग नेपालले लघुवित्तलाई इक्रा एनपी आईआर डबल बि प्लस रेटिङ्ग प्रदान गरेको छ । यसले समयमै वित्तीय दायित्व पुरा गर्न सक्ने सम्बन्धमा मध्यम जोखिम रहेको संकेत गर्दछ।
