जाजरकोटमा प्रहरीले चार नाल भरुवा बन्दुकसहित दुई जनालाई पक्राउ गरेको छ । शिवालय गाँउपालिका–६ सुङ्गुरखालीको वडा एरियाबाट अस्थाई प्रहरी पोष्ट थला रैकरको टोलीले भरुवा बन्दुकसहित दुई जना पक्राउ परेका हुन् । प्रहरीको नियमित गस्तीका क्रममा बन्दुक बरामद गरेको कर्णाली प्रदेश प्रहरी कार्यालयका प्रवक्ता मावधप्रसाद श्रेष्ठले जानकारी दिए ।
उनकाअनुसार पक्राउ पर्नेमा सोही ठाउँको रिसिना बस्ने २९ वर्षीय नबिन शाही र २२ वर्षीय मनोज शाहीलाई पक्राउ गरिएको छ । नविनले शिकार खेल्दै गरेको अवस्थामा एक नाल भरुवा बन्दुक फेला परेको प्रवक्ताको श्रेष्ठले बताए । प्रहरीकाअनुसार नविनबाट बन्दुक फेला परेपछि घरमा खानतलाशी गर्दा घरको चुलोको माथि दल्यानमा लुकाएर खारेको अवस्थामा बन्दुक फेला परेको र करिव एक सय मिटरको दुरीमा उत्तरतर्फ मनोजले गोठमा लगाकाएको बन्दुक फेला परेको हो । भरुवा बन्दुकसहित दुबै जनालाई थप अनुसन्धानको लागि पक्राउ गरी जिल्ला प्रहरी कार्यालय जाजरकोट लगिएको छ ।
