एजेन्सी । रुस र युक्रेन बीच अर्को चरणको शान्ति वार्ता सोमबार हुने भएको छ । यस अघि युक्रेन र रुसको बीचमा भएको भएको पहिलो र दास्रो चरणको वार्ता असफल भएको थियो ।
सोमबार हुन लागेको तेस्रो चरणको वार्ता भने कहाँ हुने भन्ने बारे केहि खुलाईएको छैन् । अन्तराष्ट्रिय संचार माध्यमका अनुसार युक्रेनका तर्फबाट वार्ता टोलीका सदस्य डेभिड आरकसानले आ फ्नो फेसबुक स्टाटसमा युक्रेन र रुसका बीचमा तेस्रो चरणको वार्ता सोमबार हुने बारेमा जानकारी दिएको जनाएका छन् ।
युक्रेनका अधिकारीहरुले यस अघिका चरणमा वार्तामा भएको छलफलका अनुसार यस वार्तामा पनि त्यस्तो कुनै ठूलो नतिजा निस्कने नगरिएको बताएका छन् । दुई दिन अघि मात्र भएको दोस्रो चरणको वार्तामा सहभागी अधिकारीहरु आ–आफ्नो राजधानी फर्किएर आवश्यक परामर्श गरी तेस्रो चरणको वार्ता बस्ने निष्कर्स गरेर वार्ता सकिएको थियो ।
रुसले पछिल्ला दिनहरुमा युक्रेनको राजधानी किभका आवासीय क्षेत्रहरूमा पनि लगातार हवाई आक्रमण गरिरहेको आरोप लगाइएको छ । त्यस्तै युक्रेनको उत्तरी शहर चर्निभमा पनि गोलाबारी भइरहेको बताइएको छ ।
गएको हप्ता दिनभन्दा लामो समयदेखि रुसले युक्रेनमाथि धेरै स्थानबाट हमला गरिरहेको छ भने युक्रेनी फौजले प्रतिवाद गरिरहेको छ । जसका कारण रुसी सेना अगाडि बढ्ने गति कम भएको र वार्ताका लागि तयार भएको विभिन्न विश्व समुदायले जनाएको छ ।
