रामेछाप उद्योग वाणिज्य संघको नयाँ नेतृत्व चयनका लागि निर्वाचन हुदै

रामेछाप उद्योग वाणिज्य संघको नयाँ नेतृत्वका लागि फागुन २७ गते निर्वाचन हुदैछ । निर्वाचनमा दुई बेग्ला बेग्लै समुह यतिखेर चुनावी मैदानमा खडा भएका छन् । लोकतान्त्रिक समावेशी समूह वनाएर नविनकुमार थापामगरको प्यानल र नवराज ढुंगेलको अर्को प्यानल चुनावी प्रतिस्पर्धामा छ । आज कोसिस अनलाईनले लोकतान्त्रिक समावेशी समूहबाट अध्यक्षका उम्मेदवार नविन कुमार थापामगर संग आसन्न निर्वाचनमा केन्द्रीत रहेर केहि कुरा गर्ने जमर्को गरेको छ । आसन्न निर्वाचनमा केन्द्रीत भएर श्रेष्ठले थापामगर संग गरेको संक्षिप्त कुराकानी प्रश्तुत गरेका छौं ।

तपाई रामेछाप उद्योग वाणिज्य संघको आसन्न निर्वाचनमा अध्यक्ष पदका लागि प्रत्यासी हुनु भएको छ । निर्वाचनको तयारी अवस्था कस्तो छ ?
म र हाम्रो टिम चुनावी अभियानमा छौं । प्रचार प्रसारलाई भरसक सवै व्यवसायीको घर दैलोमा पु¥याउनका लागि कोशिस गरीरहेका छौं । भर्खरै उत्तरी रामेछापको बाम्ती सम्मको प्रचार सकेर फर्केका छौं । जिल्लाको पश्चिमी क्षेत्रमा केहि दिन अघी पुगेका थियौं । अव जिल्ला सदरमुकाम केन्द्रीत प्रचार अभियान थालेका छौं । निर्वाचनको दिन नजिक आइरहेकोले सवै व्यवसायीको घर घरमा पुग्नु पर्ने चटारो हामीलाई छ ।
व्यवसायीको घरदैलोमा प्रचार लिएर पुग्दा कस्तो प्रतिक्रिया पाउनु भयो ?
म र हाम्रो टिमका साथिहरुलाई सदरमुकाम देखि ग्रामिण भेगमा व्यापार व्यवसाय गरेर रहनु भएका व्यवसायीहरुको अपार माया विश्वास र भरोसा रहेको पायौं । धेरै व्यवसायीहरुले हाम्रो टिमलाई स्वागत गर्दै भावि दिनको नेतृत्वका लागि शुभकामना पनि दिनु भएको छ । बर्षौ देखि व्यवसाय मार्फत जोडिएको सम्बन्धलाई अव संस्थागत नेतृत्वमा गास्नका लागि सवै व्यवसायीहरु आतुर भएको पायौं । सवैले विजयको शुभकामना दिनु भएको छ । सल्लाह सुझाव दिनुभएको छ । हाम्रा भावि योजना र रणनीतिहरु उद्योग वाणिज्य संघको संस्थागत र व्वसायीको हितमा भएको प्रतिक्रिया दिनु भएको छ । भोलीका दिनमा हामीले अघी सारेको योजना तथा प्रतिवद्धताहरुलाई पुरा गर्नुपर्ने दायित्व छ ।
उद्योग वाणिज्य संघको नेतृत्वमा आउनका लागि कस्ता रणनीति र प्रतिवद्धता अघी सार्नुभएको छ ?
हामीले निर्वाचनको दौरानमा विभिन्न २५ वटा बुँदाको प्रतिवद्धता सार्वजनिक गरीसकेका छौं । रामेछाप उद्योग वाणिज्य संघले विगतमा गर्दै आएका कामका अतिरीक्त केहि आकर्षक र व्यवसायीका लागि गर्नै पर्ने काम हामी नेतृत्वमा आएपछि गर्छौ भनेका छौ । जस्तो कि हाल सम्म कुनै पनि व्यवसायी÷व्यवसायको विमा गरीएको छैन । हामीले विमा गर्छौ भनेका छौं । कर भ्याट लगाएतका राज्यका विभिन्न कानुन र हिसाव राख्न नजानेर व्यवसायीहरु जरिवानाको चपेटामा पर्नुभएको छ । हामीले त्यस सम्बन्धि ज्ञान सिप तालिम दिलाउछौं भनेका छौं । बढ्दो व्याजदरका कारण व्यवसाय चौपटको अवस्था पुगेपछि व्यवसायीहरुले आत्मदाहनै गरेका घटना सार्वजनिक भइरहेका छन् । मान्छे व्यवसाय विग्रदा मर्नैपर्ने अवस्था अन्त्य गरी व्याजदर घटाएर वजारले धान्ने व्याजदर बनाउनका लागि पहल गर्ने भनेका छौं । घर भाडा महंगिएकोले व्यवसायीले तिर्न नसक्ने अवस्था छ । घरधनि संग वसेर कुरा गरी उपयुक्त भाडा वनाउनका लागि प्रयास गर्छौ भनेका छौं । उद्योग वाणिज्य संघमा हेल्पडेक्स, कर तिर्नका लागि काउण्टरको व्यवस्था गरी निशुूल्क रुपमा कर प्रविष्टी गरिने कुरा प्रतिवद्धतामा अघी सारेका छौं । व्यवसायीलाई पर्ने हरेक प्रकारका पिर मर्कामा सहयोगीको भूमिका निर्वाह गर्ने कुरालाई प्राथमिकता दिने कुरा हाम्रो उच्च प्राथमिकतामा पर्छ । हामीले बर्षौ देखि लड्दै आएको विपी राजमार्गमा ठुला ढुवानीका साधन गुडाउनका लागि पहल गर्छौ र वजारको पार्किङ, फुटपाथ व्यवस्थापन र सरसफाईलाई जोड दिनेछौं । जिल्लामा उत्पादित सामाग्रीहरु र कृषि तथा फलफुलको वजारीकरण अवस्था चिन्ताजनक रहेकोले त्यसका लागि। हामीले जितेको केहि दिन देखिनै योजना बनाएर काम गर्छौ । मेला महोत्सवको आयोजना नभएको धेरै समय भएको छ । मेला महोत्सवले जिल्लाका उत्पादनको बजार प्रर्वद्धनमा सहयोग पु¥याउने भएकाले भिन्न भिन्न खालको मेला महोत्सवको आयोजना गर्छौं । रामेछाप विमानस्थलबाट व्यवसायीक उडान गर्ने माग अघी सारेर स्थानीय स्तरमा व्यवसायको ढोका खोल्छौं । स्थानीय सरकार संग मिलेर पर्यटन पर्वद्धनको विकास गरी आगन्तुकलाई कम्तिमा १ दिन रामेछापमा वस्ने वातावरणको श्रृजना गर्छौ । हाम्रा व्यवसायीहरुलाई राज्यका कानुन र आफ्ना अधिकारका बारेमा चुस्त दुरुस्त राख्नु र उपभोक्ताको हित अनुकुलको व्यापार व्यवसाय गर्नुमा पहिलो कर्तव्य हो भन्ने कुराको अनुभुति गराउदै व्यवसाय प्रवद्र्धन गर्ने प्रयास गर्नेछौं । धेरै कुरा प्रतिवद्धतामा समेटिएका छन् । हामीले उठाएका र अघी सारेका कुरा पुरा गरेरै छोड्छौं ।
तपाई त लामो समय देखि उद्योग वाणिज्य संघको विभिन्न तहमा रहेर काम गर्दै आउनु भएको छ । त्यसैले पनि धेरै अनुभव पनि होला । तर तपाइका टिमका अरु व्यवसायीहरुले पनि प्रतिवद्धता पुरा गर्न तर्फ काम गर्छन भन्ने विश्वास छ तपाईमा रु
अवश्यै पनि । मैले धेरै लामो समय अर्थात करिव २१ बर्ष देखि अनवरत रामेछाप उद्योग वाणिज्य संघको विभिन्न पदमा रहेर काम गरेको छु । सदस्य देखि बरिष्ट उपाध्यक्ष सम्मको रुपमा काम गर्दा उद्योगी व्यवसायीको पिर मर्का राम्रो संग वुझेको छु । झोलामा रहेको संस्थालाई आधुनिक भवन सम्म पु¥याउने देखि प्रविधिमैत्री सचिवालय निर्माण हामीले गरीसकेका छौं । अव संस्थागत विकासको आवश्यकता छैन् । आउदा दिनमा व्यवसायीको हितमा गर्नुपर्ने काममा मात्र मेरो र टिमको समय खर्च हुनेछ । म पक्कै पनि प्रतिस्पर्धी भन्दा धेरै अनुभव संगालेको व्यवसायी हुँ । उमेरको नाताले होस या नेतृत्वदायि भूमिकाको नाताले होस, मैले उल्लेख्य समय व्यवसायीको पक्षमा खर्चेको छु । एउटा संस्थामा २१ बर्ष देखिको निरन्तर क्रियाशिलतानै मेरो अध्यक्ष पदको जितको आधार हो भन्ने म ठान्छु । राम्रो नेतृत्वकर्ताको भूमिका निभाउन अनुभव र उमेरले खारिएको पनि हुनुपर्दछ । हरेक संस्था नेतृत्वले कस्तो काम गर्छन् त्यहि अनुसार चल्छन् । विगतमा मैले उद्योग वाणिज्य संघमा सहायक नेतृत्व सम्म पाएँ । मुल नेतृत्व सम्हाने मौका पाएको छैन । संस्था हाक्ने मुल नेतृत्वले भएकोले यो पटक अध्यक्षको जिम्मेवारी लिनका लागि अघी सरेको हुँ । मैले नेतृत्व पाउने कुरामा सवै साथिभाइहरुले समर्थन तथा हौसला दिनुभएको छ र मलाई विश्वास छ, म अध्यक्षका लागि उपयुक्त र सक्षम पनि छु ।
बाँकी रह्यो मेरा टिममा रहेका साथिहरुको कुरा । मैले समावेशी टिम वनाएको छु । महिला, दलित, मधेसी लगाएतलाई अटाएको छु । टिममा रहेका साथिहरुले बर्षौ देखि रामेछापको भू भागमा व्यापार व्यवसाय गरी नागरीकको सेवा गरीरहनु भएको छ । उद्योग वाणिज्य संघको विभिन्न पदमा रहेर काम गर्ने साथिहरु पनि मेरो टिममा हुनुहुन्छ । जो नयाँ हुनुहुन्छ, उहाँहरु पनि संघलाई विगत देखि सहयोग गर्दै आउनुभएको साथिहरु हो । वरिष्ट उपाध्यक्ष, उपाध्यक्ष, महासचिव , कोषाध्यक्ष र सचिव पदका लागि अघी सारेका उम्मेदवारहरु धेरै अनुभवि हुनुहुन्छ । व्यवसायीको पिर मर्कालाई वुझ्ने र नेतृत्व लिएर अघी बढ्न सक्ने हैसियत राख्नुहुन्छ । सदस्यहरुको टिम उस्तै जागरुक र उर्जाशिल छ । हामीले सवै साथिहरुलाई मतदान गरी विजयी गराउनका लागि मतदातालाई आग्रह गरेका छौं । आशा छ, सवैले मेरो टिमलाई मतदान गरी नेतृत्वदायि भूमिकामा पु¥याउनुहुनेछ ।
तपाई निर्वाचित हुनुभयो भने व्यवसायीले अहिलेको अवस्थामा के फरक पाउछन् ?
मैले अघीनै भनिसकें । अहिले व्यवसायीहरु बैंक तथा वित्तिय संस्थाको चर्को व्याजदरको चपेटामा छन् । नेपाल उद्योग वाणिज्य महासंघ र राज्यका निकाय मार्फत हामी त्यस्ता समस्याको निदानको लागि डटेर काम गर्छौ । पिडामा रहेका व्यवसायीहरुलाई मनोसामाजिक मरापर्शको व्यवस्था गछौं । घरभाडा, विमा, दैविप्रकोपको क्षेत्रमा व्यवसायीहरुलाई सहयोग गर्छौ । व्यवसायका हित विरुद्ध हुने जुनसुकै क्रियाकलाप हाम्रा लागि सह्य हुदैनन् । व्यवसाय क्षेत्रमा हुने कुनैपनि अन्याय विरुद्ध हाम्रो बुलन्द आवाज हुनेछ । कुनै पनि व्यवसायी माथि राज्यले होस चाहे समाजले गर्ने थिचोमिचो हामी सहदैनौं । नेतृत्वमा पुग्ने वित्तिकै शासक हुने परम्पराको अन्त्य गरी नम्र, विनयशिल भई आफुलाई व्यवसायीनै रहेको भन्ने मनसाय राखेर व्यवसायीकै विचमा रही उहाँहरुकै सल्लाह र सुझाव लिएर काम गर्नेछौं । यहिनै हाम्रो फरकपन हुनेछ । सवै व्यवसायी साथिहरुलाई फेरी पनि अनुरोध छ, म र मेरो टिमका साथिहरुलाई मतदान गरि विजय गराईदिनुहुनेछ ।