रामेछाप उद्योग वाणिज्य संघ रामेछापको निर्वाचनमा नविन थापामगरको प्यानल विजयी भएको छन् । सत्तारुढ दलको गठबन्धनको तर्फको उम्मेदवार थापामगरको प्यानलनै विजयी भएका हुन । निर्वाचनमा ६ सय ७१ मत सहित थापामगर विजयी भएका हुन भने नवराज ढुङ्गेलले ५ सय ३९ मत प्राप्त गरेका छन् । त्यस्तै वरिष्ठ उपाध्यक्षमा ६ सय ४१ प्रकाश कुमार श्रेष्ठ विजयी भएका हुन भने अर्का उम्मेदवार सुमिका श्रेष्ठले ५६२ मत पाप्त गरेका छन् । त्यसै वाणिज्य उपाध्यक्षमा ६ सय ५५ मत सहित राम सुदिश साह सोनार विजयी भएका छन् भने उनको प्रतिस्पर्धी रामहरि उप्रेतीले ५ सय ३७ मत प्राप्त गरेका छन् ।
त्यसैगरि उद्योग उपाध्यक्षमा ६ सय ५२ मत सहित आकाश रिजाल विजयी भएका छन । उनको प्रतिसपर्धी चन्द्रबहादुर मानन्धरले ५ सय ३८ मत प्राप्त गरेका छन्
महासचिवमा ६ सय ९ मत सहित कुमार श्रेष्ठ विजयी भएका छन् भने प्रतिस्पर्धी सुरेश उदासले ५ सय ८५ मत प्राप्त गरेका छन्।
त्यस्तै सचिवमा ६ सय ९९ मत प्राप्त गर्दै यज्ञ प्रसास सुवेदी विजयी भएका छन् । त्यसैगरी कोषाध्यक्षमा ६ सय ८६ मत सहित झनकबहादुर बुढाथोकी विजयी भएका छन् । त्यस्तै आजिवान सदस्यमा विजयी प्रमोदकुमार श्रेष्ठ ६ सय ५० मत प्राप्त गरेका छन् । महिला सदस्यमा जया सुवेदीले ६ सय ७६ मत पाएर विजयी भएको हो । त्यसैगरि खुल्ला सदस्यमा क्रमशः गठबन्धनको तर्फबाट अर्विनकुमार श्रेष्ठले ६ सय २२,राजु श्रेष्ठले , ६सय ३०, वासुदेव फुयाँलले ७ सय १९, श्यामकुमार श्रेष्ठले ६ सय ८० र हरेराम क्षेत्री ६ सय १९ मत ल्याएर विजयी भएका छन् ।
