सार्वजनिक सुनुवाइमा पालिका अध्यक्षनै जबाफदेही हुन नसक्ने भएपछि ३ घण्टा कार्यक्रम स्थगित

रामेछाप । खाँडादेवी गाउँपालिकामा पालिकाको आर्थिक वर्ष २०७९÷८० को दोस्रो चौमासिक सार्वजनिक सुनुवाइमा अध्यक्षले प्रहरी प्रयोग गरेका छन् । अध्यक्ष ज्ञानकुमार श्रेष्ठले गाउँपालिकाको सार्बजनिक सुनुवाइमा जबाफदेही हुन नसक्ने भएपछि प्रहरी परिचालन गरेका छन।
खाँडादेबी गाउपालिकाको सार्बजनिक सुनाइ गर्ने स्थलमा प्रहरी परिचालन थिए। कार्यक्रम सार्बजनिक सुनाइ भएपनि त्यहाँ नागरिकलाई प्रश्न सोध्ने वातावरण थिएन। पालिका अध्यक्षको एकतर्फी भाषण मात्र भएपछि केही सहभागीले प्रश्न गर्न खोज्दा चुप लाग भन्दै झर्किए पछि नागरिकहरू आक्रोशित भएका हुन्। कार्यक्रम तनावग्रस्त भएको थियो हो। कार्यक्रममा सहभागी खाँडादेबी ४ का सन्दिप कार्की भन्छन् हामी सार्बजनिक सुनुवाइमा गएका हौं अध्यक्षज्युको घण्टौं भाषण भयो हाम्रो प्रश्न छ अध्यक्षज्युलाई भन्दा पालिका अध्यक्ष बोल्दा चुप लाग भनेर थर्काए। पालिकाको सामान्य हलमा कार्यक्रम थियो बस्ने ठाउँ समेत थिएन। प्रश्न राख्न खोज्दा पालिका अध्यक्षज्युको असामान्यपन देखेर केही साथीहरूले प्रश्न सोध्न पाउनुपर्छ भन्दै आक्रोशित भएपछि जबाफ दिन नसक्ने भन्दै अध्यक्षले कार्यक्रम छाडेर भागेका हुन्। कार्यक्रम झन्डै ३ घन्टा स्थगित भएको थियो। कार्यक्रममा नागरिक भन्दा धेरै नेपाल प्रहरी र सशस्त्र प्रहरीको संख्या थियो।
अध्यक्ष श्रेष्ठले राजनीति प्रतिशोध राखेर गाउँपालिकाको रातो किताबमा परेको बजेट समेत कटौती गरेका छन। हामीले अध्यक्षज्यु सँग बुझ्न खोज्दा अध्यक्षको फोन उठेन।