महिला सशक्तीकरणका लागि संवाद कार्यक्रम

गंगा बिसुन्के सिन्धुली ।
जिल्ला समन्वय समिति सिन्धुलीको आयोजनामा बुधबार सिन्धुलीमाढीमा महिला सशक्तिकरणका लागि संवाद कार्यक्रम सम्पन्न भएको छ ।
WWJ सिन्धुलीको सहकार्यमा भएको उक्त कार्यक्रममा प्रमुख जिल्ला अधिकारी सुनिता नेपालले महिला शिक्षाको पहुँच सवै वर्ग र समुदायमा पुग्न नसकेको वताउनुभयो । उहाँले महिलाहरु सक्षम वन्न आफ्नो काम आफै गर्न सक्ने हुनुपर्नेमा जोड दिनुभयो ।
जिल्ला समन्वय समिति सिधुलीका प्रमुख कर्साङ लामाले महिलाहरुलाई आर्थिक रूपमा सबल वनाउन जरुरी रहेको वताउनुभयो । उहाँले शिक्षा र आर्थिक अधिकार दिएमा महिलाहरुले प्रगति गर्न सक्ने दावि गर्नुभयो ।
संवाद कार्यक्रममा जिल्ला समन्वय समिति सिधुलीका उपप्रमुख शान्ता कार्की , WWJ सिधुलीका अध्यक्ष राधिका बुढाथोकी लगायत संचारकर्मीहरुको समेत सहभागिता रहेको थियो ।