मन्थली । रामेछापको उमाकुण्ड गाउँपालिका प्रीतिमा वडा स्तरीय आमा समूह संजालको सहभागितामा तीज विशेष कार्यक्रम सम्पन्न भएको छ । गाउँपालिकाका सात वडाका आमासमूहको सहभागिता रहेको उक्त कार्यक्रममा वक्तित्वकला, गायन तथा नृत्य, म्युजिकल चियर र बोतलमा पानी भर्ने खेलको प्रतिस्पर्धा रहेको थियो ।
प्रतियोगितामा सहभागी भइ विशेष स्थान हाँसिल गर्ने प्रतियोगिलाई नगद र प्रमाणपत्रका साथ सम्मान गरिएको थियो । यसै क्रममा वक्तित्वकलातर्फ सान्त्वना स्थान हाँसिल गर्ने वडा न. ३ को आमा समूहको टिमबाट सहभागी सीता ज्ञवालीलाई १ हजार नगद पुरस्कार र प्रमाणपत्र, तीतृय स्थान हाँसिल गर्ने वडा न. १ को वडा स्तरीय आमा समूहको टिमबाट सहभागी माया कार्कीलाई २५ सय नगद पुरस्कार र प्रमाणपत्र, दोस्रो स्थान हाँसिल गर्ने वाड न. ४ को वडा स्तरीय आमा समूहको टिमबाट सहभागी लक्ष्मी खत्रीलाई ३५ सय नगद पुरस्कार तथा प्रमाणपत्र र प्रथम स्थानमा वाड न. २ को वडा स्तरीय आमा समूहको टिमबाट सहभागी विष्णुकुमारी बस्नेतलाई ५ हजार नगद पुरस्कारको साथमा प्रमाणपत्रद्वारा सम्मानित गरिएको थियो ।
त्यस्तै, गायन तथा नृत्य प्रतियोगिता कार्यक्रमतर्फ सात्न्वना स्थानमा वडा ६ को वडा स्तरीय आमा समूहको टिम १ हजार नगद पुरस्कार साथमा प्रमाणपत्र, तीतृय स्थानमा वडा न. ७ को वडा स्तरीय आमा समूहको टिम २५ सय नगद पुरस्कार साथमा प्रमाणपत्र, दोस्रो स्थानमा वडा न. ३ को वडा स्तरीय आमा समूहको टिम३५ सय नगद पुरस्कार साथमा प्रमाणपत्र र प्रथम स्थानमा वडा न. ४ को वडा स्तरीय आमा समूहको टिम ५ हजार नगद पुरस्कार साथमा प्रमाणपत्रद्वारा सम्मानित भएका छन् ।
खेलमा म्युजिकल चियरतर्फ प्रथम स्थानमा वाड ५ को वडा स्तरीय आमा समूहको टिमबाट सहभागी रेखा सुनुवार २ हजार नगद साथमा प्रमाणपत्रद्वारा सम्मानित हुनुभएको छ । र बोतलमा पानी भर्ने खेल तर्फ प्रथम स्थान वाड न. ५ को वडा स्तरीय आमा समूहको टिमबाट सहभागी अनिशा सुनुवार २ हजार नगद पुरस्कार साथमा प्रमाणपत्रद्वारा सम्मानित हुनुभएको छ ।
कार्यक्रमको प्रमुख अतिथि गाउँपालिका उपाध्यक्ष सावित्री सुनुवारले ब्यानर अनावरण गरी उद्घाटन गर्नुभएको थियो । कार्यक्रममा विशेष अतिथी प्र.प्र.अ. श्री रामचन्द्र लामा रहनु भएको थियो भने विभिन्न वडा अध्यक्षहरु, कार्यपालिका सदस्यहरु, वडा सदस्यरु, नि.वर्तमान जनप्रतिनिधिहरु, गा.पा. शाखाका प्रमुख तथा कर्मचारीहरु,विद्यलायका प्र.अ. तथा शिक्षक/ शिक्षिकाहरु, सम्पूर्ण वडाका वडा स्तरीय महिला संजालका अध्यक्ष तथा प्रतिनिधिहरुको आतिथ्यता रहेको थियो ।
महिला, बालबालिका तथा ज्येष्ठ नागरिकको तर्फबाट चन्द्रमाया लामिछानेले अतिथिलाई स्वागत गर्दै सम्पूर्णमा हरितालिका तिजको शुभकामना दिनुभयो। ४ न. वडाका वडा अध्यक्ष मानबहादुर सुनुवारले शुभकामना मन्तव्य राख्नु भएको थियो ।
कार्यक्रमका प्रमुख अतिथी सावित्री सुनुवारले देशमा भित्रिएको विदेशी कल्चरहरुभन्दा आफ्नै देशको रहन,सहन, मौलिक संस्कृती लाई ध्यान दिनुपर्ने बताउनुभएको थियो । साथै वर्ष दिनको महान चाड हरितालिका तीजको शुभकामना दिँदै अरुको देखासिखी गरेर तडक-भड्क गरेर चाड मनाउनुभन्दा आफूले सकेको सानो खर्चमा नै खुसी साथ पर्व मनाउने कुरामा जोड दिनुभयो।
मनिका सुनुवारको संचालनमा चलेको कार्यक्रममा स्थानीय कलाकार महेश मुखिया सुनुवार र विभिन्न वडाबाट आएका सहभागीहरुले आफ्नो प्रस्तुति समेत राखेका थिए ।
अविरल वर्षाका बाबजुद पनि कार्यक्रम भव्य र सफल बनाउन उल्लेखनीय रुपमा दर्शकहरुको सहभागिताले महत्त्वपूर्ण भूमिका खेलेको जानकारी दिँदै सबैलाई धन्यवाद सहित तीजको शुभकामना दिँदै उक्त कार्यक्रमका सभा अध्यक्ष सा.वि.स. संयोजक हेमन्तकुमार सुनुवारबाट कार्यक्रम समापन भएको हो ।
