काठमाडौं — हास्यव्यंग्य कलाकार गोपाल तिमिल्सिनाले यस वर्षको गाईजात्रा विशेष श्रृंखला ‘किन हो किन हो २०८३’ दर्शकमाझ ल्याएका छन्।
तीन करोड नेपालीका कथा, व्यथा र समसामयिक विषयलाई हास्यव्यंग्य तथा प्यारोडी गीतमार्फत प्रस्तुत गर्दै मनोरञ्जन दिने उद्देश्यले यो विशेष श्रृंखला तयार गरिएको तिमिल्सिनाले बताएका छन्।
गाईजात्राको मौलिकता, संस्कृति र परम्परालाई संरक्षण गर्दै समसामयिक सामाजिक विषयमा व्यंग्य गर्ने प्रयास गरिएको उनले बताए। दर्शकलाई हँसाउनेसँगै समाजका विभिन्न पक्षलाई मनोरञ्जनात्मक ढंगले प्रस्तुत गर्नु श्रृंखलाको मुख्य उद्देश्य रहेको छ।
तिमिल्सिनाले दर्शक तथा शुभेच्छुकहरूलाई ‘किन हो किन हो २०८३’ हेरेर साथ दिन आग्रह गरेका छन्।
“हजुरहरूको लाखौँ माया र साथ नै मेरा लागि सबैभन्दा ठूलो हौसला हो,” उनले भने।
गाईजात्रा नेपाली समाजमा व्यंग्य, हास्य र सामाजिक विकृतिमाथि टिप्पणी गर्ने महत्वपूर्ण सांस्कृतिक पर्वका रूपमा रहँदै आएको छ। यही परम्परालाई निरन्तरता दिँदै ‘किन हो किन हो २०८३’ मार्फत नेपाली समाजका समसामयिक कथा र व्यथालाई हास्यव्यंग्यका माध्यमबाट प्रस्तुत गरिएको जनाइएको छ।
तिमिल्सिनाले अन्त्यमा सम्पूर्ण दर्शक तथा शुभेच्छुकहरूलाई धन्यवाद दिँदै यस श्रृंखला
