९ औं विश्व स्कुल दुध दिवसको दिन सिन्धुलीको एक बिधालयमाले सम्पन्न गर्यो वतृत्वकता प्रतियोगिता

गंगा बिसुन्के, सिन्धुली।

सिन्धुलीमाढीमा ९औं विश्व स्कुल दुध दिवसको अवसरमा विद्याश्रम अंग्रेजी माध्यमिक विद्यालयमा वतृत्वकला प्रतियोगिता गरि दिवस मनाएको छ।
नेपाल डेरी एसोसियसन जिल्ला शाखा सिन्धुलीको आयोजनामा सेप्टेम्बर २७ अर्थात हिजो ९ औँ विश्व स्कुल दूध दिवसको अवसरमा सिन्धुलीको विद्याश्रम अंग्रेजी माध्यमिक विद्यालयमा वतृत्वकला प्रतियोगिता गरेको हो। उक्त कार्यक्रम नेपाल डेरी एसोसिएसन जिल्ला समिति सिन्धुलीका अध्यक्ष बलराम अधिकारीको अध्यक्षता तथा बागमती प्रदेश सभा सदस्य क्षेत्र नं २ क सिन्धुलीका माननीय छेत्र बहादुर वम्जनको प्रमुख आतिथ्यतामा कार्यक्रम भएको थियो भने कार्यक्रम संचालन सोही विद्यालयका शिक्षिका प्रमिला कुमारी चौलागाईले गर्नु भएको थियो। “स्वास्थ्य जिवनको लागि दूध तथा दुग्धजन्य पदार्थको महत्व” शिर्षकमा प्रतियोगिता भएको हो । विद्याश्रम अंग्रेजी माध्यमिक बिद्यालय कनपा ४ दोभानटार सिन्धुलीमा सम्पन्न उक्त प्रतियोगितामा सोही विद्यालयका छात्र छात्रा गरि जम्मा १२ जना सहभागीता रहेको थियो । प्रतियोगितामा प्रथम बेन्जु घिमिरेलाई नगद २००० सहित प्रमाणपत्र, द्वितिय स्मीता भुजेललाई नगद १५०० सहित प्रमाणपत्र , तेश्रो हुने अनिशा मंग्रातीलाई नगद १००० सहित प्रमाणपत्र त्यस्तै सान्त्वना हुने अविरल पहाडी र समीक्षा रायमाझीलाई नगद ५०० सहित प्रमाणपत्र प्रदान गरिएको थियो।
कार्यक्रममा नेपाल डेरी एसोसिएसन जिल्ला समिति सिन्धुलीका अध्यक्ष बलराम अधिकारीको बागमती प्रदेश सभा सदस्य क्षेत्र नं २ क सिन्धुलीका माननीय छेत्र बहादुर वम्जनको कमलामाई नगरपालिकाका प्रमुख उपेन्द्र कुमार पोखरेल , कमलामाई नगरपालिका वडा नं ४ का वडा अध्यक्ष महेन्द्र ढकाल, भेटेरिनरी अस्पताल तथा पशु सेवा विज्ञ केन्द्र सिन्धुलीका कार्यालय प्रमुख डाक्टर पर्वत न्यौपाने, सिन्धुली उद्योग वाणिज्य संघका महासचिव राजकुमार राज भण्डारी , कृषि वजार व्यवस्थापन समित सिन्धुलीका अध्यक्ष प्रयागराज खतिवडा , सोहि विद्यालयका प्रिन्सिपल पोषक पौडेल लगायत डेरी व्यवसायी,दुग्ध क्षेत्रका सहकारीकर्मी, शिक्षक, विद्यार्थी तथा अभिभावक समेत उपस्थिति रहेको थियो ।