शर्मिला बिसुन्कें, रामेछाप।
पोखरालाई नेपालको पर्यटकीय राजधानी घोषणा गरिने भएको छ । पोखरा महानगरपालिकाका मेयर धनराज आचार्यले आज कार्यक्रम गरेर प्रधानमन्त्री पुष्पकमल दाहाल प्रचण्डले पोखरालाई पर्यटकीय राजधानी घोषणा गर्ने पनि जानकारी दिनु भएको हो । प्रधानमन्त्री प्रचण्ड आजै पोखरा पुगिसक्नुभएको छ । उहाँले पर्यटकीय राजधानी घोषणा कार्यक्रमको अवसरमा बसुन्धारा पार्कबाट विभिन्न झाँकीसहितको र्याली निकालिने र बाराहीघाटमा औपचारिक घोषणा सभा हुने बताउनुभयो । पर्यटन क्षेत्रको विकासले पोखरा र गण्डकी प्रदेशकै अर्थतन्त्रमा सहयोग पुग्ने अपेक्षा छ । मेयर आचार्यले अल्पकालीन, मध्यकालीन र दीर्घकालीन योजनाका साथमा पोखरालाई पर्यटकीय राजधानी घोषणा गर्न लागिएको बताउनुभयो ।
