हेटौंडा/ हेटौंडा-२, स्थित न्यानो आँगन नेपालले हेटौंडा-११, स्थित त्रिभुवन माध्यमिक विद्यालयमा अध्ययनरत विद्यार्थीलाई छात्रवृत्ति वितरण गरिएको छ । नेपालले प्रथम स्थापना दिवसको अवसरमा कक्षा-४ मा अध्ययनरत दिप्सन चेपाङ, कक्षा-७ मा अध्ययनरत सोनिया बोलाखे र कक्षा-२ मा अध्ययनरत बिमल तामाङलाई छात्रवृत्ति वितरण गरिएको हो ।
१३ हजार ४ सय रुपैयाँ रकम छात्रवृत्ति वितरण गरिएको न्यानो आँगन नेपालकी संयोजक मञ्जु फूँयालले जानकारी दिइन् । सोही अवसरमा मानसिक स्वास्थ्य प्रवर्द्वनबारे विद्यार्थीलाई अभिमुखीकरण दिएको छ । हेटौंडा उपमहानगरपालिकाकी मनोसामाजिक परामर्शकर्ता प्रतीक्षा भट्टराईले मनोसामजिक समस्या समाधानबारे जानकारी दिइन् । यस्तै हेटौंडा-११, की वडाअध्यक्ष जुना दाहालले गुणस्तरीय शिक्षाका लागि वडा सधैं तयार रहेको जानकारी दिइन् । जसले गर्दा विपन्न विद्यार्थी छन् भने वडामा सम्पर्क गर्न आग्रह समेत गरिन् ।
