हेटौंडा /एकीकृत अखिल नेपाल शिक्षक संगठन राक्सिराङ्ग गाउँपालिकाको दोस्रो अधिबेशन सम्पन्न भएको छ ।संगठनका अध्यक्ष सुजन कुमार मोक्तानको अध्यक्षतामा राक्सिराङ गाउँपालिकाको अधिबेशन सम्पन्न भएको हो ।
एकीकृत अखिल नेपाल शिक्षक संगठन मकवानपुर अध्यक्ष बसन्त राईको प्रमुख आतिथ्यतामा भएको अधिवेशनमा प्रमुख अतिथि राईले सबै प्रकारका शिक्षकहरुको हक हित र अधिकार सुरक्षित गर्न एकीकृत अखिल नेपाल शिक्षक संगठनमा आवद्ध रहन सबै शिक्षक तथा कर्मचारीलाई अपिल गर्नुभयो । अहिलेको रुपान्तरित ब्यबस्था प्राप्त गर्न सबैभन्दा ठूलो योगदान र बलिदान दिएको संगठन एकीकृत अखिल नेपाल शिक्षक संगठनले नै रहेको र यस संगठनलाई सबैले उच्च सम्मान गर्नुपर्न प्रमुख अतिथि राईले बताउनु भयो ।
अधिबेशनले अशोक थिङ्गको अध्यक्षतामा २१ सदस्यिय नयाँ राक्सिराङ गाउँकमिटी चयन गरेको छ
कमिटीको उपाध्यक्ष सपना रुम्बा, प्रदिप घलान, सचिवमा प्रकाश थोकर, कोषाध्यक्ष तिर्थराज प्रजा, सहसचिव नारायण महतो चयन भएका छन्।
यसैगरी सदस्यहरुमा महेन्द्र यादब, सुर्य नारयण चौधरी, जुनु दोङ लामा, आशा रुम्बा, डिल्ली प्रसाद स्याङतान, तिलक बिक, गोबिन्द थिङ लगायत चयन भएका छन् ।
अधिवेशनमा नेकपा माओवादी केन्द्र बागमती प्रदेश कमिटी सचिवालय सदस्य शुभरत्न गोले, बनस्तम थिङ, राक्सिराङ गाउँ कमिटी अध्यक्ष हस्तबहादुर लगायतको आतिथ्यता रहेको थियो ।
