हेटाैँडा । पूर्व–पश्चिम सडकखण्ड अन्तरगत पर्ने मकवानपुरको हेटौँडा उपमहानगरपालिका वडा नम्वर १५, चुरियामाई नजिकै पिपल चौतरास्थित सडकबाट लागूऔषध चरेशसहित दुई जना पक्राउ परेका छन् । प्रहरी चौकी रातोमाटेबाट खटिएको प्रहरी टोलीले बिहीबार अवैध लागूऔषध चरेश १० किलो २ सय ५० ग्रामसहित दुई जनालाई पक्राउ गरेको हो ।
पक्राउ पर्नेहरुमा नवलपरासी पश्चिम रामग्राम नगरपालिका–८ बस्ने ४३ वर्षीय अनिल भर चौधरी र पर्सा सखुवा प्रसौनी गाउँपालिका–१ सथवल बस्ने २७ वर्षीय हरी गौरब रहेका छन् । हेटौँडाबाट पथलैयातर्फ जाँदै गरेको ना.६ ख ५८३९ नम्बरको बसलाई रोकी चेकजाँच गर्ने क्रममा बसमा सवार उनीहरूको साथबाट लागूऔषध बरामद गरिएको हो ।
