सिन्धुलीमा डेंगु सङ्क्रमितको संख्या ५३ पुग्यो

सिन्धुली । सिन्धुलीमा डेंगु सङक्रमितको संख्या ५३ पुगेको छ । हिजो (मंगलवार) थप ८ जनामा संक्रमण पुष्टि भएसँगै सिन्धुलीमा सङ्क्रमितको संख्या ५३ पुगेको जनस्वास्थ्य कार्यालय सिन्धुलीले जनाएको छ ।
जनस्वास्थ्य कार्यालय सिन्धुलीका अनुसार हिजो (मंगलवार) गरिएको परीक्षणमा दुधौली नगरपालिकामा ४ जना पुरुष १ जना महिला, कमलामाई नगरपालिकामा १ महिला, तिनपाटन गाउँपालिकामा १ पुरुष र मरिण गाउँपालिकामा १ महिला गरि ८ जनामा डेंगु संक्रमण पुष्टि भएको थियो ।
चालु आर्थिक वर्षको साउन महिना देखि हाल सम्म दुधौली नगरपालिकामा २९, कमलामाई नगरपालिकामा १५, मरिण गाउँपालिकामा ५, तीनपाटन गाउँपालिकामा ३ र फिक्कल गाउँपालिकामा १ गरि ५३ जना सङ्क्रमित भएका छन् ।