विपना भुर्तेल, काभ्रे ।
कविता
के अपराध गरे मैले, हे समाज!
मलाई किन बाँच्न दिँदैनौ?
सपना सजाउँदै स्वतन्त्र भइ,
कहाँ कसको के बिगारे मैले?
कति कुरा काट्छौ, कति दोष थुपार्छौ,
मैले कुनै सीमाना तोडेँ र?
मैले आफ्नो बाटो रोज्न खोज्दा,
तिमीले किन बाधा खडा गर्यौ?
तिमीले निर्धारण गर्यौ मेरो सपना,
तर मेरो हृदयको चाहना बुझ्यौ त?
के स्वतन्त्रता मेरो अधिकार होइन?
किन आफ्नो पथमा हिँड्न नपाउने?
समाजका जन्जालहरूले बाँध्न खोज्छौ,
तर म त भन्छु, म छु स्वतन्त्र।
तिम्रो मनोकांक्षा, तिम्रो परिभाषा,
मलाई थुन्ने आधार कहिले भए?
के बिगारे मैले तिमीलाई,
कि मैले आफूलाई चिन्ने साहस गरेँ?
तिमीले ठहर्याएको सत्य भन्दा पर,
मैले आफ्नो अस्तित्व खोज्दा के बिग्रियो?
हे समाज, म पनि मान्छे,
म पनि स्वप्न देख्ने अधिकार राख्छु।
तिमीले भनेकै संसारमा किन,
म आफ्नो संसार किन बनाउन नपाउने?
