सिन्धुली । जिल्ला प्रहरी कार्यालय सिन्धुलीले ना ७ ख ७३५७ नम्बरको ट्रकबाट बिल बिजक नभएको २४ लाख बढीको सामान बरामद गरेको छ । ईलाका प्रहरी कार्यालय खुर्कोटबाट खटिएको प्रहरी अधिकृत सहितको टोलिले अस्ति मंगलबार राती ९ बजे गोलन्जोर गाउँपालिका ७ खुर्कोट चेकपोष्टमा सिन्धुलीबाट रामेछाप तर्फ जादै गरेको ट्रकबाट बिल विजक नभएको २४ लाख ९ हजार ५ सय ६० रुपौंको सामान बरामद गरेको हो ।
प्रहरीले महालक्ष्मी उद्योग लेखिएको १ लाख ३३ हजार मूल्यको ३८ बोरा चिनी, ७३ हजार मूल्य बराबरको राज हंस लेखिएको चिनी २१ बोरा, सल्फररहित सेतो क्रिस्टल चिनी ३ हजार ५०० को १ बोरा बरामद गरेको छ ।
साथै, ४९ हजारको विवेक भुजा एक सय बोरा, ८४ हजार ४ सय २० मूल्यको विवेक भुजा (मुराई) पहेँलो रङको १ सय ३४ बोरा, ६६ हजार ६ सय ४० मुल्यको विवेक भुजा सेतो रङको १ सय १९ बोरा गरी २४ लाख ९ हजार ५ सय ६० रुपौंको सामान बरामद गरिएको जिल्ला प्रहरी कार्यालय सिन्धुलीका प्रहरी उपरीक्षक गोविन्दराज काफ्लले जानकारी दिनुभयो ।
