काठमाडौँ, २८ चैत
प्रधानमन्त्री केपी शर्मा ओलीले सरकार र निजी क्षेत्रको सहकार्यबाट मात्र राष्ट्रिय उपलब्धि हासिल गर्न सकिने बताएका छन्। नेपाल उद्योग वाणिज्य महासङ्घको ५९औँ वार्षिक साधारणसभाको उद्घाटन सत्रलाई सम्बोधन गर्दै उनले निजी क्षेत्रको आत्मविश्वासको कदर गर्दै सरकार त्यसलाई सघाउन तयार रहेको बताए।
“हामी सबै मिलेर देश बनाउनुपर्छ र तीव्र गतिमा विकास गर्नुपर्छ,” प्रधानमन्त्री ओलीले भने। उनले स्वदेशी वस्तुको प्रयोग बढाएर गर्व महसुस गर्नुपर्नेमा जोड दिए।
कार्यक्रममा बढी कर तिर्ने क्षेत्रगत कम्पनी र महासङ्घका उत्कृष्ट प्रदेश र जिल्ला समितिलाई सम्मान गरिएको थियो।
