काठमाडौं, जेठ ९ : परराष्ट्रमन्त्री डा. आरजु राणा देउवाले समाजमा व्याप्त नकारात्मक सोच र विचारले देशको विकास असम्भव बनाउने बताएकी छिन्। नेपाली जनसम्पर्क समिति जापानद्वारा टोकियोमा आयोजित एक स्वागत समारोहमा बोल्दै उनले “केही हुँदैन” र “संभावना छैन” भन्ने धारणा त्याग्न सबैलाई आग्रह गरिन्।
उनले देशभित्रका राजनीतिक दलदेखि विदेशमा रहेका नेपालीहरूसम्म यस्ता नकारात्मक प्रवृत्ति देखिएको उल्लेख गर्दै यस्तो सोचले देश निर्माणमा बाधा पुर्याउने स्पष्ट पारिन्। मन्त्री राणाले सकारात्मक वातावरण बनाउनु अहिलेको आवश्यकता भएको बताइन्।
