काठमाडौं: तीन दिनपछि खुलेको शेयर बजार आज दोहोरो अंकले घट्दै परिसूचक नेप्से २७.९० अंकले तल झरेर २ हजार ८ सय २२ दशमलव ४६ विन्दुमा पुगेको छ।
म्युचुअल फन्ड र ‘अन्य’ बाहेक सबै समूहको शेयरमा गिरावट आएको छ। विशेषगरी विकास बैंक र माइक्रोफाइनान्स समूहका शेयर २ प्रतिशतभन्दा बढीले घटेका छन्।
उन्नति सहकार्य लघुवित्त कम्पनीको शेयर मूल्य साढे ७ प्रतिशतभन्दा बढीले घटेको छ भने बजार ओरालो लागेको दिन रिभर फल्स पावर कम्पनीको शेयर १० प्रतिशतले बढेको छ।
नेप्से घटे पनि कारोबार रकम भने बढेको छ। गएको बिहीबार ८ अर्ब ५३ करोड रुपैयाँको कारोबार भएकोमा आज ३२४ कम्पनीका २ करोड ५० लाख कित्ता शेयर १० अर्ब २१ करोड रुपैयाँमा किनबेच भएका छन्।
