काठमाडौं: प्रधानमन्त्री सुशीला कार्कीले आज पहिलो पटक राष्ट्रका नाममा सम्बोधन गर्ने भएकी छन्।
जेन–जी आन्दोलनपछि गत भदौ २७ गते अन्तरिम प्रधानमन्त्री बनेकी कार्कीले साँझ ६ बजे सम्बोधन गर्ने तयारी भएको प्रधानमन्त्री तथा मन्त्रिपरिषद् कार्यालयले जनाएको छ। भदौ २३ र २४ गतेको आन्दोलनको आधारमा ओली सरकार अपदस्थ भएपछि कार्की नेतृत्वमा अन्तरिम सरकार गठन गरिएको थियो।
कार्की नेतृत्वको सरकारले प्रतिनिधिसभा विघटन गरी आगामी फागुन २१ गते निर्वाचन गर्ने घोषणा गरिसकेको छ। हालसम्म उनले तीन पटक मन्त्रिपरिषद् विस्तार गरिसकेकी छन्, तर धेरै मन्त्रालयमा अझै पद रिक्त रहेको छ।
