काठमाडौं: नेपाल प्रहरीले ठूलो संख्यामा जनशक्ति भर्ना गर्ने भएको छ। प्रहरी प्रधान कार्यालयले आज गोरखापत्र दैनिकमार्फत सार्वजनिक सूचना जारी गर्दै कुल १,५९४ पदका लागि दरखास्त आह्वान गरेको हो।
सूचना अनुसार, १,५५३ जना प्रहरी जवान, ११ जना हजाम (कार्यालय सहयोगी), १५ जना कुचीकार र १५ जना खेलाडीको दरखास्त माग गरिएको छ।
प्रहरी जवानका लागि न्यूनतम ८ कक्षा उत्तीर्ण गरेको हुनुपर्नेछ भने कार्यालय सहयोगीका लागि सामान्य लेखपढ गर्न जान्ने हुन पर्याप्त छ। इच्छुक र योग्यता पुगेका नेपाली नागरिकले असोज १९ गतेदेखि कात्तिक २८ गतेभित्र दरखास्त दिन सक्ने व्यवस्था गरिएको छ।
