काठमाडौं: गृह मन्त्रालयले जेनजी आन्दोलनका क्रममा सुरक्षाकर्मीबाट लुटिएका हातहतियार र खरखजाना असोज मसान्तभित्र नजिकैको प्रहरी कार्यालयमा बुझाउन आग्रह गरेको छ।
मन्त्रालयले बिहीबार सूचना जारी गर्दै तोकिएको अवधिभित्र हतियार बुझाउने व्यक्तिलाई सम्मान गरिने स्पष्ट पारेको छ। तर, समयमै नबुझाउनेहरूलाई कानुनी कारबाही गर्ने चेतावनी पनि दिएको छ।
गत भदौ २३ र २४ गतेको जेनजी आन्दोलनका क्रममा देशभरका प्रहरी र सरकारी कार्यालयबाट ठूलो संख्यामा हातहतियार तथा खरखजाना लुटपाट भएको थियो।
