काठमाडौँ: नेपाल कम्युनिष्ट पार्टी ९एमाले०को ११औँ राष्ट्रिय महाधिवेशन अन्तर्गत अध्यक्ष पदका लागि वर्तमान अध्यक्ष केपी शर्मा ओली र वर्तमान वरिष्ठ उपाध्यक्ष ईश्वर पोखरेलले आ–आफ्नो उम्मेदवारी दर्ता गराएका छन् ।
काठमाडौँको भृकुटीमण्डपस्थित बन्दसत्र स्थलमा रहेको केन्द्रीय निर्वाचन आयोगको कार्यालयमा दुवै नेताले समर्थकसहित पुगेर आज उम्मेदवारी मनोनयन दर्ता गराएका हुन्।
अध्यक्ष ओलीले अपराह्न ३स्३० बजे अध्यक्ष पदका लागि उम्मेदवारी दर्ता गराएका थिए भने वरिष्ठ उपाध्यक्ष पोखरेलले करिब ३ बजे मनोनयन दर्ता गराएको जनाइएको छ।
महाधिवेशनअन्तर्गत विभिन्न पदाधिकारी तथा केन्द्रीय सदस्य पदका लागि उम्मेदवारी मनोनयन दर्ता गर्ने प्रक्रिया अझै जारी छ । उम्मेदवारी दर्ताको समय सुरुमा अपराह्न ३स्३० बजेसम्म तोकिएको भए पनि उम्मेदवारहरूको लाइन लामो रहेकाले समय केही थपिने देखिएको छ ।
एमालेको ११औँ राष्ट्रिय महाधिवेशनबाट ३०१ सदस्यीय नयाँ केन्द्रीय कार्यसमिति चयन गरिने छ ।
