काठमाडौं: नेपाली कांग्रेसका नेता तथा पूर्वगृहमन्त्री रमेश लेखक भदौ २३ र २४ गते घटेका घटनासम्बन्धी विषयमा बयान दिन जाँचबुझ आयोगमा उपस्थित हुने भएका छन्। लेखकले भोलि ९सोमबार० आयोगमा पुगेर आफ्नो बयान दिने जानकारी दिएका हुन्।
तत्कालीन गृहमन्त्रीको हैसियतमा आयोगले उनलाई बयानका लागि पत्राचार गरिसकेको छ। पार्टीको केन्द्रीय कार्यसम्पादन समितिको बैठकमा समेत आयोगमा उपस्थित भएर बयान दिन सुझाव दिइएको थियो। लेखकले आफूलाई शुक्रबार नै बोलाइए पनि सोमबार जाने निर्णय गरेको बताएका छन्।
यसैबीच, आयोगले तत्कालीन प्रधानमन्त्री तथा एमाले अध्यक्ष केपी शर्मा ओली लाई पनि बयानका लागि बोलाउने तयारी गरेको थियो। तर, ओलीले आयोगसमक्ष उपस्थित भएर बयान नदिने अडान लिएका छन्।
ओलीले सरकारका प्रवक्ता तथा सञ्चारमन्त्री जगदीश खरेल सँगको भेटमा आयोगले तोकेको स्थानहदप्रति गम्भीर असहमति व्यक्त गरेका थिए। सरकार भने ओलीलगायतमाथि लगाइएको स्थानहद हटाउने तयारीमा रहेको बताइएको छ। ओलीले आयोगमा उपस्थित भएर मौखिक बयान नदिए पनि लिखित जवाफ भने पठाउने सन्देश सरकारसमक्ष पठाएका छन्।
