काठमाडौँ: नेपाली कांग्रेसको विशेष महाधिवेशन पक्षधर समूहले आयोजना गरेको विशेष महाधिवेशनका लागि निर्वाचन मनोनयनपत्र दर्ता शुल्क तोकिएको छ।
कांग्रेस विशेष महाधिवेशन निर्वाचन समितिले पार्टी विधानअनुसार विभिन्न पदका उम्मेदवारका लागि मनोनयनपत्र दर्ता शुल्क निर्धारण गरेको हो। निर्वाचन समितिका संयोजक वरिष्ठ अधिवक्ता सीताराम केसीका अनुसार सभापति पदका लागि ३० हजार रुपैयाँ, उपसभापति र महामन्त्रीका लागि २५ हजार रुपैयाँ, सहमहामन्त्रीका लागि २० हजार रुपैयाँ तथा केन्द्रीय सदस्यका लागि १० हजार रुपैयाँ शुल्क तोकिएको छ।
नेपाली कांग्रेसको १४औँ महाधिवेशनमा कुल चार हजार ७४३ मतदाता रहेकामा निधन भएका तथा अन्य दलमा प्रवेश गरेकालाई बाहेक गर्दा हाल चार हजार ६३५ महाधिवेशन प्रतिनिधि कायम रहेका छन्।
