संस्कृति, पर्यटन तथा नागरिक उड्डयनमन्त्री प्रेमबहादुर आलेले एकल महिला, असहाय, गरिब तथा ज्येष्ठ नागरिकलाई न्यानो लुगा वितरण गर्नुभएको छ । उहाले जोरायल गाउँपालिका वडा नं १, २, ३ र ४ मा न्यानो लुगा वितरण गर्नुभएको हो ।
उक्त गाउँपालिकामा रहेका ७५६ जनालाई न्यानो लुगा वितरण गरिएको जानकारी उहाँका स्वकीय सचिव हेमन्त रेग्मीले दिनुभएको हो । जानकारीका अनुसार न्यानो लुगा वितरण मन्त्री आलेले आफ्नै लगानीमा बितरण गर्नुभएको हो। चिसो बढेसगै न्यानो कपडा पाए पछी यहाँका नागरिकहरु खुशी भएको वडा नं –२ का वडाअध्यक्ष मानबहादुर मल्लले बताउनु भयो ।
उहाँले भन्नुभयो, “चिसो समय छ, यहाँका एकल महिला, असहाय, गरिब तथा ज्येष्ठ नागरिकलाई मन्त्री आलेले न्यानो लुगा वितरण गर्नु भएपछि निकै राहत भएको छ, हामी खुशी भएका छौँ ।”
जिल्लाका अन्य स्थानीयका त्यस्ता व्यक्तिलाई पनि न्यानो लुगा वितरण गरिने कार्यक्रम रहेको मन्त्री आलेको सचिवालयले जनाएको छ ।
