पोखरा । चर्चित र्यापर आशिष राना (लाहुरे) पक्राउ परेका छन्। उनी लागुपदार्थ ब्राउन सुगर सेवन गरेको आरोपमा पक्राउ परेका हुन् ।
उनलाई जिल्ला प्रहरी कार्यालय कास्कीका प्रहरी उपरीक्षक (एसपी) रमेश थापाका अनुसार लागुऔषध मुद्दामा पक्राउ गरिएको हाे । उनी बुधबार बेलुका पक्राउ परेका हुन्।
‘लाउरे भन्ने आशिष रानालाई हामीले लागु औषधको मुद्दामा पक्राउ गरेकाे र यस बिषयमा थप अनुसन्धान भइरहेकाे – एसपी थापाले भने ।
उनीसँगै अरू चार जना पनि पक्राउ परेकाे तर प्रहरीले उनीहरूको परिचय खुलाएको छैन। पक्राउ परेका अरूबाट ब्राउन सुगर बरामद गरेको भए पनि लाहुरेकाे साथमा ब्राउन सुगर भेटिएको थिएन्।
उनीहरूमाथि थप अनुसन्धान भइरहेको प्रहरीले जनाएको छ। लाउरे हिमालयन रोडिजका निर्णायक पनि हुन्। र्याप ब्याटल रअ बार्जबाट उनी चर्चामा आएका थिए।
उनको केस नम्बर ४०२, नेपहपको बाटो, मेरो सोल्टा, सुपर सागा लगयात गीतहरू चर्चित छन्। उनले ताण्डव सिनेमामा पनि अभिनय गरेका छन्।
