काठमाडौं । नेपाली कांग्रेसको केन्द्रीय समितिमा रामचन्द्र पौडेल र विजयकुमार गच्छदार सहित १० जना मनोनीत गरिएको छ । नेपाली कांग्रेस सभापति एवम् प्रधानमन्त्री शेरबहादुर देउवाले केन्द्रीय समितिमा उँहाहरूलाइ मनोनीत गर्नुभएको हो ।
मनोनित हुनेहरूमा पौडेलसगै विमलेन्द्र निधि, विजयकुमार गच्छदार, प्रकाशमान सिंह, कृष्णप्रसाद सिटौला, डा. प्रकाशशरण महत, डा. नारायण खड्का, सुजाता कोइराला, उमा रेग्मी र मीनबहादुर विश्वकर्मा रहेको कांग्रेस पार्टी कार्यालयका मुख्य सचिव कृष्णप्रसाद पौडेलले जानकारी दिनुभएको हो ।
नेता पौडेल, सिटौला, खड्का, रेग्मी र विश्वकर्माले महाधिवेशनमा कुनै पनि पदमा उम्मेदवारी दिनुभएको थिएन भने निधि र सिंह सभापातिका उम्मेदवार हुनुहुन्थ्यो र पहिलो चरणको हार पछी दुबै जनाले दोस्रो चरणको निर्वाचनमा देउवालाई समर्थन गर्नु भएको थियो ।
त्येसैगरी गच्छदार र कोइराला उपसभापतिमा पराजित हुनु भएको र महत महामन्त्रीमा पराजित हुनु भएको हो ।
कांग्रेसको विधानमा ३३ जना केन्द्रीय सदस्य सभापतिले मनोनित गर्ने छ । महाधिवेशनबाट १३४ जना निर्वाचित भईसकका छन् र सभापतिका निकटम प्रतिस्पर्धी स्वतन्त्र केन्द्रीय सदस्य हुने विधानको व्यवस्थामा छ ।
