काठमाडौं । प्रधानमन्त्री शेरबहादुर देउवा आजदेखि आइसोलेशनमा बस्नुभएकाे छ । नेकपा (माओवादी केन्द्र)का अध्यक्ष प्रचण्डमा कोरोना पुष्टि भएपछि प्रधानमन्त्री देउवा कन्ट्याक्ट ट्रेसिङमा परेका कारण प्रधानमन्त्री आइसाेलेसनमा बस्नुभएकाे हाे ।
प्रधानमन्त्रीको सचिवालयका अनुसार दुई दिनअघि बालुवाटारमा बैठकमा रहनु भएका नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ लाई कोरोना सङ्क्रमण भएपछि प्रधानमन्त्री पनि आइसाेलेसनमा बस्नुभएकाे छ ।
प्रचण्डमा कोरोना पुष्टि भएपछि प्रधानमन्त्री देउवासहित सत्ता गठबन्धनका शीर्ष नेताहरू समेत कन्ट्याक्ट ट्रेसिङमा परेका छन् ।
माओवादीमा अध्यक्ष प्रचण्डसहित वरिष्ठ नेता नारायणकाजी श्रेष्ठ, नेताहरू हरिबोल गजुरेल, मातृका यादव, डोरप्रसाद उपाध्याय, रामप्रसाद सापकोटा, रमेश मल्ललगायतमा कोरोनाको सङ्क्रमण पुष्टि भइ सकेकाे छ ।
प्रधानमन्त्रीको कोभिड–१९ को परीक्षण भाेली (आइतबार) हुनेछ ।
