काठमाडौं । अमेरिकाको नेपाल माथि बलजफ्ती कूटनीति गरेको भन्दै चीनले विरोध गरेको छ । चिनियाँ विदेश मन्त्रालयका प्रवक्ता वाङ वेनबिङले मिलेनियम च्यालेन्ज कम्प्याक्ट (एमसीसी) अनुमोदन नभए चिनियाँ हस्तक्षेपका कारण आफ्नो अनुदान सहयोग नलिएको बुझ्ने अमेरिकी चेतावनीलाई चीनले बलजफ्ती कूटनीति भनेको हो ।
‘उनले अन्तर्राष्ट्रिय समुदायको नेपालसँग सहकार्य, नेपालको अर्थतन्त्र विकास र जीविकामा सुधारका लागि गर्ने सहयोगको चीन स्वागत गर्ने तर, यो नेपाली जनताको चाहना र राजनीतिक शर्त विना हुनुपर्ने बताएका छन् । उनले अगाडि भन्छन् नेपालको असल छिमेकी र विकास साझेदारका रुपमा चीनले नेपाली जनतालाई आफ्नो विकासपथ छनोट गर्न सहयोग जारी राख्ने र आफ्नो देशको हित अनुकूल निर्णय लिने र जनताको इच्छा प्रदर्शित हुनुलाई समर्थन गर्छ ।
अमेरिकाले नेपाललाई आफ्नो सहयोग परियोजना एमसीसी अनुमोदनका लागि २८ फेब्रुअरी अर्थात् १६ फागुनसम्म समय दिएको छ । तर, दलहरूबीच सहमति जुट्न हालसम्म सकेको छैन र हाल सरकारको साझेदार गरेका दलहरुको गठबन्धन नै भत्कने अबस्थामा छ ।
माघमा २७ गते अमेरिकी सहायक विदेशमन्त्री डोनाल्ड लूले प्रधानमन्त्री शेरबहादुर देउवा, नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डलाई फोन गरेर एमसीसी फिर्ता भए चीनले हस्तक्षेप गरेर आफ्नो अनुदान सहयोग स्थगित गराएको बुझ्ने चेतावनी दिएका थिए ।
