काठमाडौं । एमसीसीको विरोधमा भएको आन्दोलनमा गोली चलेको छ । अमेरिकी सहयोग परियोजना एमसीसीको विरोधमा चर्किएको सडक आन्दोलनमा प्रहरीले रबरको गोली चलाएको हो ।
अहिले विजुलीबार देखि नँया बानेश्वरसम्मको क्षेत्र सडक आन्दोलनका कारण एकदमै तनावग्रस्त छ । आन्दोलनमा धेरैलाई चोटपटक लागेको छ भने केहिलाई प्रहरीले पक्राउ पनि गरेको छ ।
एमसीसी सम्झौता संसदमा टेबल गर्ने दलहरुको निर्णयको विरोधमा प्रदर्शनकारीले नयाँ बानेश्वर क्षेत्रमा प्रदर्शन केन्द्रित गरेका थिए । प्रदर्शनकारीले निषेधित क्षेत्र तोडेर संसद भवनतर्फ अगाडि बढेपछि प्रहरीले पानीको फोहरा र अश्रुग्यास प्रहार गरेको थियो ।
हाल यो क्षेत्र थप तनावग्रस्त भएपछि प्रहरीले रबरको गोली पनि चलाएको हो । यो क्षेत्रमा ब्यापार व्यावसाय यातायात पुर्णरुपमा बन्द छन् ।
