काठमाडौं । संसद भवन आसपास नयाँ बानेश्वर क्षेत्रमा उच्च सुरक्षा सतर्कताअपनाईएको छ । अमेरिकी सहयोग परियोजना एमसीसी छलफलका लागि संसदमा पेश हुने र यसको बिरोधमा हुने आन्दोलनलाई मध्यनजर गरेर यस क्षेत्रमा उच्च सुरक्षा सतर्कता अपनाइएको हो ।
एमसीसीको विरोधमा एमसीसी टेबल भएके दिनको प्रदर्शनलाई हेरेर प्रहरीले उच्च सुरक्षा सतर्कता अपनाइएको जनाएको छ । बानेश्वर क्षेत्रमा अहिले सडक खाली गरेर ब्यारिकेड राखिएको छ ।
केहीअघि भएको प्रदर्शनमा आन्दोलनकारीले प्रहरीको ब्यारिकेडसमेत लडाएका थिए । हाल संसद भवन वरिपरी व्यापक प्रहरी परिचालन गरिएको छ भने सशस्त्र प्रहरीलाई पनि स्ट्याण्ड बाई राखिएको र पानीको फोहोरा हान्ने तीन वटा गाडीलाई बानेश्वरमा राखिएको छ ।
बुधबार नै संसद भवनको वरिपरी पनि काँडेतार लगाइ सकिएको छ । आज संसद बैठक दिउँसो १ बजेदेखि सुरु हुँदैछ ।
