काठमाडौं । अभिनेता पल शाह विरुद्ध जबरजस्ती करणी कसूरमा किटानी जाहेरी परेको छ । अभिनेता पल शाह विरुद्ध गायिका समीक्षा अधिकारीले जबरजस्ती करणी सम्बन्धी कसूरमा किटानी जाहेरी दिएकि हुन् ।
प्रहरी स्रोतले दिएको जानकारीका अनुसार उनले शाह विरुद्ध जिल्ला प्रहरी कार्यालय, तनहुँमा किटानी जाहेरी दिएकि हुन् । पहिले जिल्ला प्रहरी कार्यालय, कास्कीमा शाह विरुद्ध जाहेरी दिइएको भए पनि घटनास्थल तनहुँ भएकाले प्रहरीले दिएको सुझाव अनुसार हाल तनहुँमै जाहेरी दिईएको हो ।
एउटा म्यूजिक भिडियोको सुटिङका सिलसिलामा तनहुँ गएका बेला शाहले फकाएर जबर्जस्ती करणी गरेको अभियोगमा शाह माथि किटानी जाहेरी दिईएको छ ।
हाम्रो देशको कानुनका अनुसार १८ वर्षभन्दा कम उमेरकी युवतीसँग सहमतिमै शारीरिक सम्बन्ध भए पनि जबर्जस्ती करणी ठहर्छ । गायिका समिक्षा अधिकारी नाबालिका हुन् ।
