काठमाडौं । जाजरकोट र रुकुम पश्चिममा भूकम्पको क्षति अनुगमन, राहत तथा उद्धारको स्थिति बुझ्नुका साथै पहल गर्न नेपाली कांग्रेसले विपद अनुगमन तथा सहजीकरण समिति गठन गरेको छ ।
आइतबार बसेको कांग्रेसको कार्यसम्पादन बैठकले महामन्त्री विश्वप्रकाश शर्मा र गगनकुमार थापाको संयोजकोत्वमा समिति गठन गरिएको नेता मीन विश्वकर्माले जानकारी दिए । समितिले स्थलगत अनुगमनका साथै राज्य परिचालन, पार्टीपंक्ति परिचालनको अनुगमन र सहजीकरण गर्नका निम्ति यो निर्णय गरेको उनले बताए ।
