नेवा: सम्पर्क समुहद्वारा स्वर्गीय राजनारायण श्रेष्ठको श्रद्धाञ्जली कार्यक्रम सम्पन्न

नेवा: सम्पर्क समुहद्वारा स्वर्गीय राजनारायण श्रेष्ठको श्रद्धाञ्जली कार्यक्रम सम्पन्न भएको छ। नेवा : सम्पर्क समुहको ग्वार्खु स्थित आफ्नै भवनमा कार्यक्रम सम्पन्न भएको हो। स्वर्गीय श्रेष्ठले नै संस्थाको नाममा जग्गा खरिद गर्न भुमिका खेलेका थिए। जग्गा किन्दा स्वर्गीय श्रेष्ठ सचिब थिए। यहि माग १० गते श्रेष्ठको लुभु स्थित आफ्नै रेस्टुरेन्टमा हृदयघातका कारण निधन भएको थियो भने श्रेष्ठको निधनले नेवा सम्पर्क समुह नै शोकाकुल भएको थियो। २०३० पुस १४ गते जन्मिएका श्रेष्ठको ५० बर्षको अल्पायुमा नै निधन भएको हो।
स्वर्गीय श्रेष्ठ संस्थाको आजिबन सदस्य तथा पुर्ब सचीव हुँदै अहिले सल्लाहकारको भुमिकामा रहेका थिए। संस्थाले एक असल अभिभावक गुमाएकोमा हामी चिन्तित छौँ संस्थाका कार्यसमिति सदस्य हिमाल श्रेष्ठले बताउनु भयो। एउटा अभिभावक गुमाउँदा ज्यादै पीडा भएको छ। परिवार शोकमा छ तर सगै हामी नेवा: सम्पर्क समुह पनि अभिभावक गुमाएको टुहुरा भएका छौँ, संस्थाका सचीव भिम श्रेष्ठले भावुक हुँदै उल्लेख गरेका छन। उहाँ उभिँदा पनि हामीलाई ढुक्क हुन्थ्यो काम गर्ने हौसला दिनुहुन्थ्यो अब एक्लो जस्तो महसुस हुनेभयो सचीव श्रेष्ठ भन्छन।
श्रद्धाञ्जली कार्यक्रममा स्वर्गीय श्रेष्ठको बरेमा चर्चा भएको थियो भने परिवारलाई शोकको यो समयमा शक्तिमा परिणत गरेर अगाडि बढ्न अधिकांश वक्ताले अनुरोध गरेका थिए। राम्रो काम गरे मृत्युु पछि समेत सम्मान पाइने रहेछ समाजका सबैलाई यसैगरी सकारात्मक बाटो हिड्न अनुरोध गर्दै संस्थाका कार्यबाहक उपाध्यक्ष बिष्णु श्रेष्ठले कार्यक्रम समापन गरेका हुन।