हेटौंडा/ हेटौंडा अस्पतालमा बिमाका सेवाग्राहीलाई डाक्टरहरुले छुट्टै व्यवहार गर्ने गरेको पाइएको छ । जचाउन गएका सेवाग्राहीलाई बोल्ने शैलीमा फरक व्यवहार गर्ने गरेको गुनासो छ ।
सेवाग्राही संगम सेडाईँ भन्छन्- परिवारकै बिमा कार्ड छ । औषधि वितरणदेखि जचाउने ठाउँमा फरक व्यवहार गर्ने गरिएको बताए । महङ्गो शुल्कको औषधि बाहिर किन्न लगाउने र जचाउने भन्दा कसैलाई औषधि बिढाउने प्रचलन बढेको उनको भनाइ छ ।
यसैगरी अर्को सेवाग्राही मधु चाैधरी भन्छिन्- बिहानै ६ बजे लाइनको लागि अस्पतालमा बस्नुपर्ने हुन्छ । जसमा १० बजेपछि मात्र डाक्टर आउँछन् । लामो लाइनसँगै अस्पतालमै दिन बिताउन बाध्य रहेको बताइन् ।
यस्तै नवराज रिजालले बिमा कार्यक्रमबाट लाभदायी भएपनि अस्पतालको व्यवस्थापन सुधार गर्नुपर्ने बताए ।
हरिबहादुर दङ्गालले घण्टाैँपछि रिपोर्ट लिनुपर्ने अवस्था रहेको बताए । यसैगरी कृष्ण कुमार गिरीले फार्मेसीमा कम्प्युटर सिस्टम आउट भयो भन्ने जस्ता कारणले बिमा कार्यक्रम लाभदायक नभएको बताए । हेटौंडा अस्पतालमा बिमाका बिरामीहरुको दिनदिनै सयौंको संख्याम भिड लाग्ने गर्दछ । नेपालमा ७९ लाख ५३ हजार बढी सेवाग्राही बिमा कार्यक्रममा आबद्ध छन् । आर्थिक अभावका कारण उपचारबाट बञ्चित नहोस् भनेर सरकारले बिमा कार्यक्रम ल्याए पनि सिफारिसदेखि उपचारमा झन्झट व्यहोर्नुपर्ने सेवाग्राहीहरुको गुनासो छ ।
