मन्थली अस्पतालका डाक्टर समीर क्षेत्रीको बिदाइमा स्वास्थ्यकर्मीको रुवाबासी

रामेछाप मन्थली अस्पतालका सुपरिटेन्डेन्ट डाक्टर समीर क्षेत्री डि.एम पढ्नका लागि चितवान मेडिकल कलेज जाने भएका छन। पढाइका लागि चितवन जान लागेका डाक्टरलाई अस्पतालको ब्यवस्थापन समितिले सफलताको कामना गर्दै मंगलबार बिदाइ कार्यक्रम गरेको हो।
   उक्त बिदाइ तथा फेरि भेटौला कार्यक्रममा अस्पतालका कर्मचारीहरुको रुवाबासीनै चलेको थियो। २०७८ चैत्र १ मन्थली अस्पतालका सुपरिटेन्डेन्ट बन्न आएका डाक्टर ८१ कात्तिक १३ गते बिदाइ भएका हुन।  डाक्टर क्षेत्रीले अस्पतालमा आमूल परिवर्तन ल्याएका ब्यवस्थापन समितीका कार्यकारी उपाध्यक्ष रामबाबु घिमिरेले बताएका छन। सामान्य रहेको अस्पतालमा डाक्टर क्षेत्रीले सामान्य डेलिभरी देखि हर्निया तथा हाइटोसिलको अप्रेसन समेत मन्थली अस्पतालमै गराएका छन। अस्पतालमा स्वास्थ्यकर्मीलाई डिउटिका बारेमा दैनिक छलफल तथा काम र कर्तव्यको कक्षा लिने गरिएको डाक्टर क्षेत्री भन्छन। डाक्टर क्षेत्रीका अनुसार अस्पतालमा आउने हरेक बिरामी मलाई आफ्नै लाग्छन, म बिरामीसँग सदैव सकारात्मक बनेर उपचार सुरु गर्छु र अझ अस्पताल यहाँ सम्मा ल्याउन म मात्र होइन ब्यवस्थापन समिति लगाएत स्वास्थ्यकर्मीको टिम मिलेर यहाँ सम्म आउन सफल भएको हो। यस अस्पतालमा बिरामीको चाप धेरै छ यसै गरि अगाडि बढोस भन्दै डाक्टर क्षेत्रीले बिदाइका क्रममा शुभकामना ब्यक्त गरेका छन।
   डाक्टर क्षेत्री हाम्रो परिवारको अभिभावक जस्तै लाग्छ डाक्टरले सदैव हाम्रो समस्यालाई आफ्नै समस्या मानेर  साथ सहयोग र काम गर्ने हौसला दिने गरेका थिए अस्पतालका डेन्टल बिभागका वसन्त घिमिरेले दोभानचौर खबरलाई बताए । घिमिरे भन्छन हाम्रा अभिभावक गए जस्तै भयो ।
बिदाइ तथा फेरि भेटौला कार्यक्रममा डाक्टर समीर क्षेत्री आउँदा र अहिलेको अवस्था निकै अगाडी बढी सकेको मन्थली ५ का वडा अध्यक्ष रबिन कार्किले उल्लेख गरेका थिए। सबैलाई डाक्टर समीर क्षेत्री जस्तै बनेर काम गर्न मन्थली १ का वडा अध्यक्ष रामहरि पौडेलले अनुरोध गरेका छन। सबै कर्मचारी सफल हुदैनन् डाक्टर समीर सफल भएको र मन्थली नगरपालिकाको इतिहासमा रहने मन्थली नगरकि उपप्रमुख इस्वरी बस्नेतले जनाएकी छिन। हामिले अस्पतालमा सफलता हात पारेका छौ। यसलाई यहि गतिमा लैजान डाक्टर केशब धामिलाई मन्थली नगरपालिका प्रमुख लब श्रेष्ठले निर्देशन गरेका छन। नगरले के गर्न पर्ने हो हामी गर्न तयार छौँ डाक्टर देखि थप जनशक्ति पनि दिन नगर तयार छ। तर बिरामीको कुनै गुनासो नआउने गरि काम गर्न समेत नगर प्रमुख श्रेष्ठले अनुरोध गरेका छन। साथै अध्यन सफलताको शुभकामना समेत गरेका हुन । कार्यक्रममा ब्यवस्थापन समितिका अध्यक्ष तथा मन्थली नगरपालिकाका प्रमुख लब श्रेष्ठ, उपप्रमुख इस्वरी बस्नेत, ब्यवस्थापन समितिका कार्यकारी उपाध्यक्ष रामबाबु घिमिरे, मन्थली १ का वडा अध्यक्ष तथा ब्यवस्थापन समितिका सदस्य होम प्रसाद पौडेल, मन्थली नगरपालिका ५ का वडा अध्यक्ष रबिन कार्की “नवीन”, मन्थली नगरपालिकामा अधिकृत दिपक सुवेदी र अस्पतालका कर्मचारीको उपस्थिति रहेको थियो।