काठमाडौं: सञ्चार तथा सूचना प्रविधिमन्त्री पृथ्वीसुब्बा गुरुङले मिडिया काउन्सिललाई सरकारबाट पूर्ण रूपमा अलग राख्न नसकिने स्पष्ट पार्नुभएको छ।
प्रतिनिधिसभा अन्तर्गतको शिक्षा, स्वास्थ्य तथा सूचना प्रविधि समितिको आइतबार बसेको बैठकमा मिडिया काउन्सिल विधेयकमाथि सैद्धान्तिक छलफल हुँदा उठेका प्रश्नहरूको जवाफ दिंदै उहाँले यस्तो बताउनु भएको हो।
मन्त्री गुरुङका अनुसार मिडिया काउन्सिल कुनै न कुनै रूपमा सरकारसँग आबद्ध हुनैपर्ने आवश्यकता रहेकोले सरकारबाट टाढा राख्न नसकिने बताउनु भएको हो।
