काठमाडौँ: नयाँ बानेश्वरस्थित संसद भवनमा प्रदर्शनकारीहरूले आगजनी गरेका छन्।
जेनजी आन्दोलन चर्किएसँगै ठूलो संख्यामा संसद भवनअगाडि पुगेका आक्रोशित प्रदर्शनकारीहरूले भवनमा आगो लगाएका हुन्।
यसअघि सोमबार, संसद भवनभित्र प्रवेश गर्न खोजेका प्रदर्शनकारीमाथि प्रहरीले अन्धाधुन्ध गोली प्रहार गरेको थियो, जसको प्रतिकृयामा आज आगजनी गरिएको अनुमान गरिएको छ।
त्यस्तै, देशकै प्रमुख प्रशासनिक केन्द्र सिंहदरबारमा पनि आगजनी भएको छ। सेना तथा प्रहरी कोही पनि गेटमा नभएपछि प्रदर्शनकारीको भिड भित्र पसेको थियो।
