काठमाडौँ: नेपाली कांग्रेसका नेता शेखर कोइरालाले राजनीतिमा देखा परेका नयाँ चुनौतीहरूलाई सम्बोधन गर्न राष्ट्रिय एकता र मेलमिलाप अपरिहार्य रहेको बताएका छन्।
राष्ट्रिय मेलमिलाप दिवसका अवसरमा आज जारी गरिएको सन्देशमार्फत उनले पार्टीभित्र मात्र नभई समग्र मुलुकमा नै आपसी एकता र सहकार्यको भावना आवश्यक भएको उल्लेख गरे।
“वर्तमान राजनीतिक परिस्थितिमा हामीलाई जनताले विश्वास गरेमात्र हाम्रो सान्दर्भिकता देशमा रहने हो, यो गम्भीर तथ्यमा चुक्यौँ भने हामी भूमिकाविहीन हुने जोखिम रहन्छ, नेपाली कांग्रेसले राष्ट्रिय राजनीतिमा नेतृत्वदायी भूमिका निर्वाह गर्न सम्भव छ, यसका लागि बिपी कोइरालाको मेलमिलाप नीतिले हामीलाई मार्गनिर्देशन गर्दछ भनी हामी सबैले आत्मसात् गरौँ”, नेता कोइरालाले सन्देशमा भनेका छन्।
