जुम्ला। जुम्लाको सिंजा गाउँपालिकामा बस दुर्घटना भएको छ। दुर्घटनामा परेर दुई जनाको मृत्यु भएको छ भने दुई जना घाइते भएका छन् । जुम्लाको कनकासुन्दरी गाउँपालिकाको गुठीज्यूलाबाट नेपालगञ्ज तर्फ जाँदै गरेको ना६ख ४४३८ नंबरको बस जुम्ला जिल्लाको सिंजा गाउँपालिका–२, घोडेङ्गा गाउँमा दुर्घटना भएको हो ।
दुर्बघटनामा बस सडक देखि करिब २०० मिटर तल खसेको जुम्ला जिल्ला प्रमुख अधिकारी विजयाकुमारी प्रसाईँले जानकारी दिनुभएको छ। “प्रारम्भिक जानकारी अनुसार घटनास्थलमा मृत्यू हुनेमा नवीन रावल र विशाल बम रहेका छन।” मृत्यु भएको प्रमुख अधिकारी विजयाकुमारी प्रसाईँले बताउनु भयो ।
बसमा चार जना मात्र सवार थिए । घाइतेको उद्धार गर्न प्रहरी निरीक्षक युवन चौधरीको नेतृत्वमा प्रहरी टोली त्यसतर्फ गईसकेको छ । घाइतेलाई उपचारका लागि कर्णाली स्वास्थ्य विज्ञान प्रतिष्ठान लैजानका लागि एम्बुलेन्स पठाइएको जिल्ला प्रहरी कार्यालयले जनाएको छ ।
