सुर्खेत । सुर्खेत-दैलेख सडक एक महिनासम्म अवरुद्ध हुने दैलेख जिल्ला प्रशासनले जनाएको छ। यहि बुधबार अर्थात मंसिर १५ देखि पौष १५ गतेसम्म सडक अवरुद्ध हुने भएको हो ।
दैलेख–सुर्खेत सडक खण्ड अन्तरगत गुराँस गाउँपालिकाको गाईबान्ना (घाम ताप्ने) भिरमा चट्टान कटान गरेर सडक फराकिलो गर्नुपर्ने भएकोले सडक अवरुद्ध गराउन लागीएको जिल्ला प्रशासन कार्यालय दैलेखले जनाएको हो।
कार्यालयका अनुसार यस अवधिमा साना सवारी साधन (जिप, कार र मोटरसाइकल) आउ–जाउ हुन पाउने छन भने अन्य यात्रुवाहक र मालबाहक सवारी साधनहरुका लागी सडक पुर्णरुपमा बन्द रहने छ। जिल्ला प्रशासन कार्यालय दैलेखले यस सडक बन्द अवधिभर यात्रुवाहक र मालबाहक सवारी साधनहरुलाई सुर्खेतदेखि बांगेसिमल, तल्लो डुंगेश्वर हुँदै माथिल्लो डुंगेश्वर सडक खण्ड प्रयोग गर्न कार्यालयले संबन्धित सबैलाई पत्राचार गरीसकिएको जनाएको छ ।
