काठमाडौ । जुम्लाको गुठिचौरमा करिब चार लाख राजस्व सङ्कलन भएको छ । गुठिचौर गाउँपालिकामा पाँच महिना अनुसार तीन लाख ८२ हजार ८६८ सङ्कलन भएको हाे ।
राजस्व प्रमुख तिलप्रसाद पाण्डेका अनुसार गाउँपालिकाले विभिन्न शीर्षकबाट राजस्व सङ्कलन भएको छ । जसमध्ये गाउँपालिकाबाट रु एक लाख ७८ हजार ५६६ सङ्कलन भएको छ । वडाबाट एक लाख ९५ हजार ३०२ सङ्कलन भएको छ ।
वडा कार्यालयबाट मालपोत, पञ्जीकरण र सिफारिस शीर्षकबाट राजस्व सङ्कलन हुने गरेको वडाध्यक्ष चन्द्रबहादुर नेपालीले बताउनुभयो । अघिल्लो आर्थिक वर्ष २०७७/७८ मा गाउँपालिकाले विभिन्न शीर्षकबाट २७ लाख १५ हजार ४०३ राजस्व सङ्कलन गरेको गुठिचौर गाउँपालिकाले जनाएको छ ।
