काठमाडौं । केपी शर्मा ओलीलाई भेट्न डा. मिनेन्द्र रिजाल बालकोट पुगेका छन् । नेकपा एमाले अध्यक्ष एवम् पुर्व प्रधानमन्त्री केपी शर्मा ओली र नेपाली कांग्रेसका नेता डा. मिनेन्द्र रिजालबीच भेटवार्ता भएको हो ।
अमेरिकी सहयोग परियोजना (एमसीसी) का विषयमा सत्तारुढ गठबन्धनका दलहरुबीच सहमति नजुटिरहेका बेला रिजाल विपक्षी दलका नेता ओलीलाई भेट्न ओली निजि निवास बालकोटमा पुगेका हुन् । एमसीसी, संसद अवरोधलगायतका विषयमा छलफल गर्न रिजाल ओली निवास पुगेका हुन् ।
कांग्रेस नेता रिजालले भेटवार्ता भएको पुष्टि गरे पनि थप खुलाउन चाहेनन् । बिहीबार साँझ सत्तारुढ गठबन्धनमा रहेका दलहरुको छलफल बोलाइएको र त्यसअघि रिजालले विपक्षी दलका नेता ओलीलाई भेटेका हुन् ।
