काठमाडाैं । एकल पुरुषले मासिक भत्ता पाउने भएका छन् । एकल पुरुषले मासिक भत्ता पाउने मस्र्याङ्दी गाउँपालिकाका ६० वर्षदेखि ६९ वर्ष सम्मका एकल पुरुषले मासिक रु ५०० भत्ता पाउने भएका हुन् ।
गाउँपालिका अध्यक्ष अर्जुन गुरुङका अनुसार पालिकामा स्थायीरुपमा बसोवास गर्ने एकल पुरुषलाई पालिकाको मंगलबार बसेको ९६औँ बैठकले गत फागुन महिनादेखि नै लागू हुने गरी सम्मान स्वरुप एकल पुरुषलाई पनि सामाजिक सुरक्षा भत्ता दिने निर्णय गरेको हो । तर एकल पुरुष भए पनि पेन्सन भएकालाई भने यो सेवा उपलब्ध हुने छैन् ।
पालिकामा रहेका नौ वडामा ९३ एकल पुरुष रहेका छन् । गाउँपालिकाले तीन÷तीन महिनामा भत्ता वितरण गर्ने र निर्णय भए अनुसार गत फागुन महिनासहितको यही चैतको अन्तिममा भत्ता वितरण गर्ने तयारी भइरहेको गाउँपालिकाको महिला, बालबालिका तथा ज्येष्ठ नागरिक शाखाका प्रमुख लक्ष्मी घलेले बताउनु भएको छ ।
