१२ वर्षीया वालिका बाबुबाट बलात्कृत

पाँचथर — १२ वर्षीया बालिका बाबुबाट बलात्कृत भएकी छन् । सदरमुकाम फिदिम नगरपालिका ५ की ती किशोरी चैत २७ गते दिउँसो ४३ वर्षीय बाबुबाट बलात्कृत भएकी हुन् ।
जिल्ला प्रहरी कार्यालय पाँचथरका डिएसपी राकेश थापाका अनुसार घरमा कोही नभएका बखत बाबुले बलात्कार भएको भन्दै किशोरीकी आमाले मंगलबार जाहेरी दिएको जनाईएको छ । उनका अनुसार बलात्कारको अभियोग लागेका बाबु फरार छन् । किशोरीको स्थानीय स्वास्थ्य संस्थामा उपचार भइरहेको छ ।