काठमाडाैं । सेतो मच्छेन्द्रनाथलाई जनबहालमा आज फर्काईएको छ । वर्षा र सहकालका देवता सेतो मच्छेन्द्रनाथको रथ यात्राको चौथो दिन भव्य जात्रा सहित सेतो मच्छेन्द्रनाथलाई जनबहालमा फर्काइएको हो ।
पाँचौँ दिन बुधबार रथबाट मूर्ति मन्दिरमा सारिने सेतो मच्छेन्द्रनाथ रथ यात्रा व्यवस्थापन समितिले जनाएको छ । मूर्ति मन्दिरमा सारिएपछि यस वर्षको पाँच दिने जात्रा बुधबार अन्त्य हुने समितिका संयोजक, काठमाडौँ महानगरपालिका वडा नं २५ का अध्यक्ष तथा सेतो मच्छेन्द्रनाथका पुजारी नीलकाजी शाक्यले जानकारी दिएका हुन् ।
प्रत्येक वर्ष चैत्र शुक्ल अष्टमीदेखि दरबारमार्ग स्थित तीनधारा पाठशालाबाट रथयात्रा सुरु हुने गर्दछ । पहिलो दिन रथलाई असन, दोस्रो दिन हनुमानढोका, तेस्रो दिन हनुमानढोकाबाट रथ तानी लगनटोल पु¥याइन्छ । त्यस्तै जात्राको चौथो दिन आज लगनमा सेतो मच्छेन्द्रनाथको आमाको मन्दिरमा रथ तीनपटक घुमाउने चलन छ ।
सहरको भित्री भागमा तीन दिनसम्म रथयात्रा चल्ने गर्छ । असन, वसन्तपुर, जैसीदेवल, लगन हुँदै पुनः रथ यात्रा मच्छेन्द्रबहालमा ल्याएर चौथो दिन अन्त्य गरिन्छ । पाँचौँ दिन आर्यावलोकितेश्वर करुणामय समेत भनिने सेतो मच्छेन्द्रनाथलाई रथबाट निकालेर मन्दिरमा स्थापित गरिन्छ ।
यसरी पाँच दिन लामो जात्रा समापन हुन्छ ।
