रामेछाप / खाँडादेवी गाउँपालिका वडा नं ५ को वडा कार्यालय भवन अपायक स्थानमा बन्न लागेको भन्दै स्थानियले बिरोध गरेका छन् । नागरिकको सुविधालाइ वेवास्था गर्दै वडा अध्यक्षले एकलौटी निर्णय गरेको भन्दै स्थानियले विरोध गरेका हुन् ।
उक्त भवन निर्माण राेक्न र सबै नागरिकलाई पाएक पर्ने स्थानमा वडा कार्यालय निर्माण गर्नुपर्ने माग राख्दै स्थानीयले बिरोध प्रदर्शन गरेका छन् । हाल संचालनमा रहेको ठाटीडाडामा रहेकाे वडा कार्यालय वडाको एक छेउमा पर्ने भएकाले नागरिकलाई असहज भएकाले पुनः साेहि स्थानमा भवन निर्नमाण हुन लागेकाले विरोध गर्नु परेकाे स्थानिय सुजन ढुङ्गेलले बताए।
अपाएक स्थानमा बन्न लागेकाे निर्माण कार्य बन्द गरेर वडाकाे बिच केन्द्रमा पर्ने गरी वडा कार्यालयकाे भवन निर्माण गर्ने निर्णय नगरेसम्म चरणबद्ध रुपमा बिरोद्ध तथा आन्दोलनका कार्यक्रम गर्ने सोहि वडाका वडा अध्यक्षका प्रत्यासी राजनारायण श्रेष्ठले बताएका छन् ।
वाडा भवन सोही स्थानमा बन्य सर्बदलीय बैठक र जनप्रतिनिधिले निर्णय गरेको हो। हामीले पुरानो संम्रचना भत्काइ सकेका छौं। वाडाले पालिकालाई निर्णय समेत बुझाएको हुँदा भवन त्यही र समयमै बन्य वाडा अध्यक्ष मनोज पौडेलले बताएका छन। हामिले ३५ दिने सूचना समेत सार्बजनिक गरेका थियौं, सुझाव मागेका थियौं आएन अहिले काम सुरु भएपछि बिरोधका लागि मात्र बिरोध गरेको अध्यक्ष पौडेलले आरोप लगाउनु भएको छ। यो बिषयमा पालिका प्रमुख सग बुझ्न खोज्दा सम्पर्कमा जोडिन सकेनौं।
