रामेछाप- मन्थली सहिद स्मृति बहुमुखी क्याम्पसको निर्वाचनमा आफ्नो जित निश्चित रहेको संयुक्त गठबन्धन तर्फका उम्मेद्वार अविनाश कार्कीले बताए । आइतबार हुने स्ववियु निर्वाचनमा आफू र आफ्नो टिमको जित निश्चित रहेको उनले दावी गरेका हुन् । आफ्नो टिमले ७५ प्रतिशत भन्दा बढी मतले चुनाव जित्ने उनको दावी छ ।
आफ्नो नेतृत्वमा रहेको टिमका उम्मेद्वारहरु क्याम्पसका नियमित विद्यार्थी रहेको, विद्यार्थीहरुको समस्यामा लड्दै आएको, शैक्षिक आन्दोलनमा भाग लिइरहेको लगायतका कारणले पनि आफ्नो टिमको जित निश्चित रहेको उनले दावी गरे ।
जिल्लाको शैक्षिक धरोहरको रुपमा रहेको मन्थली क्याम्पसलाई देशकै नमूना क्याम्पस बनाउने योजना सहित निर्वाचनमा होमिएको बताउँदै आफ्नो टिमले जितेपछि आफूहरुले ल्याएको प्रतिवद्धता पुरा गर्ने सभापतिका उम्मेद्वार कार्कीले बताएका छन् ।
कार्की स्नातक तह मानविकी संकाय दोस्रो वर्षमा अध्ययनरत बिद्यार्थी हुन् । उनि नेविसंघ, अखिल क्रान्तिकारी र एस निकट अनेरास्ववियूको संयुक्त प्यानलको नेविसंघबाट सभापतिको उम्मेद्वार बनेका हुन् । उनिसँग एमाले निकट अनेरास्ववियूका पुस्कर भट्टराई प्रतिस्पर्धामा छन् ।
